GEDICHTE

aus dem oder über das Waldviertel

Moriz Schadek: Der Schlampatasch

Was mit `n Hans a penzen mög`n,

Er is halt na nöt zun Beweg`n,

Dass er a wen`g auf d`Ordnung halt`t,

Dass eahm dös Aufheb`n, `s Z´sammklaub`n  g`fall`t.

 Nix legt er auf`s recht`Platzel mehr,

Er schmeißt halt d`Sachen grad nur her,

Dass `s lieg`n wo; wann`s zun Suacha geht, 

Glei finden was, dös kennt er nöt.

O Hans, o Hans, wia wird`s dir geh´n,

Wann`s kema wird zun Aufersteh`n,

Wann`s blasen wer`n dö Cherubin

Und all`s zun jüngsten G`richt muass hin.

Dös woas o wohl, ruaft Gott, der Herr:

"Jatzt soll amal der Hans g`schwind her,"

Sagt`s Engerl, das di z`bringa hätt`: 

"Geduld, der Hans find`t d`Boana nöt."