Der Tabak

Da fragt amal der kloane Hansl,

der Vota dampft sein Pfeiferl grad:

"jetzt mecht i aber richti wissen,

wer den Tabak auf d`Welt bracht hat?"

Sagt d`Muater: "Nö, des woaß i sicher, 

der Teufel hat`n auffa bracht,

wann`d Manner alle Stubn recht sölchen,

daß er dö Weiber gifti macht."

"Lass di ned anlüag`n", ruaft der Vota,

"I sag dir`s besser, I woaß bestimmt,

das den a Engel ababracht hat,

das der Tabak von Himmel kimmt.

Denn Wolkerl himmlische sein dreing`sperrt,

a rechter Raucher woaß für`s g`wiß:

denn wann er`s auslaßt, moant er allmal,

das er a wen`g in`n Himmel  is."

von Moriz Schadek