Der kranke Bauer

von Moriz Schadek

A Bauer, der wird krank auf d`Nacht, 

Da ham s`ihm halt `n Doktor `bracht,

Und der vaschreibt a Medizin,

Kummt zwa, drei Tag`zu ihm no`hin,

Und weil er war a starker Esser,

Erlaubt `r ihm zèssen, weil er besser.

Der Doktor kummt dann wieder hin 

und fragt halt glei`die Bäuerin:

"Was hat er `gessen?", hat er s`gfragt,

""A Rindfleisch!"" hat de d`rauf g`sagt,

"Mit Appetit?" so fragt er laut,

""Na"" sagt de Frau, ""mit Sauerkraut!""